Амрабатда яна бир вариант

By Пўлатов Мухаммадхон 08 Jul, 2023 5 дақиқа ўқиш 599 Кўрилди

0 comments 0 likes

Саудиянинг «Ал-Аҳли» клуби «Фиорентина» ярим ҳимоячиси Софьян Амрабат учун курашга киришди ва 26 ёшли футболчини Европанинг топ клубларидан «илиб кетишга» ҳаракат қилади.

Эслатиб ўтамиз, аввалроқ футболчига «Манчестер Юнайтед», «Барселона» ва «Атлетико» клублари жиддий қизиқиш билдираётгани ҳақида хабар берилганди. Манба берган хабарга кўра, «Ал-Аҳли» сўнгги кунларда марокашлик футболчининг трансфери устида қаттиқ ишламоқда. Клуб раҳбарияти Софьяннинг акаси Нордин Амрабат билан бир неча учрашувлар ўтказди ва шу тариқа футболчини трансферга кўндиришга ҳаракат қилди. Бироқ, айни дамда, Европадан келган вариантлар футболчи учун устувор бўлиб қолмоқда. 2022/2023 йилги мавсум Амрабат «Фиорентина» учун барча турнирларда 49та ўйин ўтказиб, 1та голга ассистентлик қилган. Футболчининг Флоренция клуби билан шартномаси 2024 йилнинг июнь ойи охиригача амал қилади. Transfermarkt портали футболчининг тахминий нархини 30 миллион еврога баҳолаган.