«Арсенал» Виейрани сотиб олмоқчи

Манбага кўра, Лондон клуби «Порту» билан 22 ёшли ҳавбекнинг трансфери бўйича келишувга эришди. Ушбу трансфер «тўпчилар»га 35 млн. еврога тушади. Яна 5 млн. евро бонус «Арсенал» Чемпионлар Лигасига йўл олганида, шунингдек, футболчи клуб учун керакли миқдордаги ўйин ўтказганида фаоллашади. Яқин орада Виейра «Арсенал» билан шартнома имзолаш учун Англияга учиб боради. Ўтган мавсумда яримҳимоячи Португалия чемпионатининг 27 ўйинида 6та гол урди ва 14та голли узатмани амалга ошириб, «Порту»нинг энг яхши ассистентига айланди.