Бьелса «Атлетик»ка Гризманни олиб келмоқчи

24 июнь куни бўлиб ўтадиган «Атлетик» президентлигига сайловларда Иньяки Аречабалета ғалаба қозонса, аргентиналик мутахассис Бильбао жамоасини бошқаришга рози бўлади. 2011-2013 йилларда «Атлетик»ка устозлик қилган Бьелса ўша вақтда «Реал Сосьедад»да ўйнаган франциялик футболчини жамоасига жалб қилишга уринганди. 66 ёшли мутахассис Аречабалетадан агар сайловда ғалаба қозонса, 31 ёшли Гризманнни қўлга киритишга яна уриниб кўришни сўради. Ҳужумчи Мадриднинг «Атлетико»сида ижара асосида ўйнамоқда, у «Барселона»га тегишли. Гризманн 13 ёшида Басклар мамлакатининг бошқа клуби «Реал Сосьедад» академиясига ўқишга кирган. Шу сабаб у тарихан фақат маҳаллий футболчилар тўп тепадиган «Атлетик»да ўйнай олади.