Суперлига-2022 чемпионлигининг 3 "муваққат" кубоги учта стадионга олиб борилади

Aйни вақтда “Пахтакор”, “Навбаҳор” ва “Насаф” клублари олтин медаллар учун кураш олиб боряпти. 
“Мусобақанинг махсус чемпионлик кубоги кимга насиб қилиши маълум бўлмаса-да, даъвогар жамоалар уни ўз мухлислари кўз ўнгида кўтаришни истайди. Шундан келиб чиқиб, Ўзбекистон Профессионал футбол лигаси ҳар уч беллашув бўлиб ўтадиган стадионга кубок билан боради. Якунда ғолиб жамоа кубокни ўз мухлислари кўз ўнгида нишонлаши учун шароит яратиб берилади. 
Олтин медаллар масаласида эса вазият бироз чигал. Чемпионлик учун даъвогар 2 та клуб Тошкентда тўп суриши ва нисбатан кўпроқ очко Тошкентда ўйнайдиган жамоада еканидан келиб чиқиб, олтин медаллар пойтахтда қолдирилади. Чемпионлик Наманган клубига насиб қилса, совринлар алоҳида етказиб берилади. Олтинларга Тошкентда тўп сурадиган икки клубдан бири эга чиқса, у ҳолда кубокдан олдин жамоа аъзоларига медаллар топширилади”, - дейилади ПФЛ хабарида.
Маълумот учун, 12 ноябрь куни ўтадиган Суперлига 26-турида турнир жадвалида 1-ўриндаги “Пахтакор” сўнгги турда “Жар” стадионида “Бунёдкор” меҳмони бўлса, “Навбаҳор” Наманганда ОКМКни, “Насаф” эса “Пахтакор” стадионида “Олимпик” меҳмони бўлади.