Нима учун “Янгиер қурувчи”  6 нафар футболчиси эркин агентга айланди?

23-январ   куни    “Янгиер   қурувчи”   футбол   клуби   билан тузилган   меҳнат   шартномалари   бўйича   вужудга   келган   низоли   вазият   юзасидан   Лигага   мурожаат   қилганди.   10- феврал   куни   мазкур   масала   Футболчилар   мақоми   ва   ўтиши   бўйича   қўмитада   кўриб   чиқилди . 

“ Футболчилар   мақоми   ва   трансфери   бўйича   регламенти ” нинг   14 бис - моддаси   1- бандида   футбол   клуби   қонунга   ҳилоф   тарзда   футболчига   камида   икки   ойлик   иш   ҳақини   тегишли   санада   тўлаб   бермаса ,   футболчи   шартномани   бекор   қилиш   ҳуқуқига   эга   эканлиги   белгилаб   қўйилган .   Унга   кўра ,   футболчи   қарздор   клубни   ёзма   равишда   хабардор   қилиб ,   унинг   молиявий   мажбуриятни   тўлиқ   бажариши   учун   15   календар   кунилик   муддат   тақдим   этиши   керак .   Шундан   келиб   чиқиб ,   мурожаат   қилувчилар   23- январ   куниёқ   расмий   аризани   клубга   тақдим   этганди .   Бироқ   “ Янгиер   қурувчи ”   футбол   клуби   футболчилар   ва   мураббий   олдидаги   иш   ҳақи   бўйича   қарздорликни   бартараф   қилмади . 

Қўмита   йиғилишида   футболчилар   томонидан   тақдим   этилган   маълумотлар   асосида   “ Янгиер   қурувчи ”   футбол   клуби-нинг   ўз   ишчилари   билан   тузилган   меҳнат   шартномаси   бўйича   мажбуриятларни   лозим   даражада   бажармагани ,   иш   ҳақи   ва   бошқа   тўловлар   ярим   йилдан   буён   тўланмасдан   келаётгани ,   футболчилар   2023- йилнинг   23- январ   куни   иш   берувчини   белгиланган   тартибда   огоҳлантириб ,   меҳнат   шартномасини   муддатидан   олдин   ишчининг   ташаббуси   билан   бир   томонлама   бекор   қилиниши   тўғрисида   мурожаат   қилганига   қарамай ,   қарздорлик   бартараф   этилмагани   аниқланди .   Шундан   келиб   чиқиб ,   футболчилар   ва   мураббий   мурожаати   қаноатлантирилди   ҳамда   улар   эркин   агент   мақомига   эга   эканлиги   қайд   этилди . 

Қўшимчасига ,   “ Янгиер   қурувчи ”   футбол   клубига   2023- йилнинг   20- феврал   санасига   қадар   юқоридаги   қарздорликни   тўлиқ   бартараф   этиш   мажбурияти   юклатилди .   Белгиланган   муддат   ичида   қарздорлик   бартараф   этилмаса ,   “ Янгиер   қурувчи ”   футбол   клубининг   Биринчи   лига   учун   янги   футболчиларни   рўйхатдан   ўтказишига   нисбатан   тақиқ   қўйилиши   белгиланди . 
Йиғилишнинг   иккинчи   қисмида   “ Бунёдкор ”   футбол   клуби   ва   бош   мураббий   Иван   Бошкович   ўртасида   2022- йилнинг   6- июл   куни   имзоланиб ,   белгиланган   тартибда   Лига   рўйхатидан   ўтказилган   меҳнат   шартномасига   шу   йилнинг   27- декабрь   куни   қўшимча   ва   ўзгартиришлар   киритилгани ,   бироқ   мазкур   қўшимча   ва   ўзгартиришлар   акс   этган   шартнома   Лигадан   рўйхатидан   ўтказилмагани   масаласи   муҳокама   қилинди . 

Унга   кўра ,   “ Бунёдкор ”   футбол   клуби   бош   мураббий   билан   тузилган   меҳнат   шартномасини   Лига   рўйхатидан   ўтказишда   белгиланган   талабга   риоя   қилмагани   аниқланди .   Мазкур   ҳолат   бўйича   “ Бунёдкор ”   футбол   клубига   нисбатан   интизомий   чора   қўллашни   кўриб   чиқиш   масаласи   Тартиб     интизом   қўмитасига   оширилди .