Ракурс : Оқ карточка ҳам бор энди...

 Нима? Бу қанақаси? Футболда оқ карточка ҳам борми? Воқеа тафсилотларига келсак, ўйин давомида футболчи аёллардан бири ўзини нохуш сезди ва шу лаҳзада ҳар икки клуб шифокорлари ёрдамга шошилишди. Буни кўрган рефери эса чўнтагидан дарҳол оқ карточка чиқарди...

Ҳакамнинг ушбу қарори мухлислар томонидан олқишлар билан кутиб олинди. Гап шундаки, оқ карточка ҳалол ўйин ва инсоний фазилатларни тарғиб этиш учун ўйлаб топилган. Бу — Португалия футболи ташаббуси. Оддий айтганда, оқ тусли карточка сариқ ва қизил «қоғоз»дан фарқли ўлароқ, рағбат белгисидир. Демакки, бош ҳакам ўша вазиятда футболчининг тақдирига бефарқ қарамаган шифокорлар гуруҳи ишини шу тарзда эътироф этишни лозим топган.