«Ал-Аҳли» Марку Силвани таклиф жўнатди

By Пўлатов Мухаммадхон 21 Jul, 2023 3 mins read 475 views

0 comments 0 likes

Саудиянинг «Ал-Аҳли» клуби «Фулхэм» мураббийлар штабини бошқараётган Марку Силвани қўлга киритмоқчи.

Sky Sports хабарига кўра, «Ал-Аҳли» 46 ёшли португалиялик мутахассисга умумий қиймати 40 миллион фунтни (тахминан 46 миллион евро) ташкил этган икки йиллик шартнома таклиф қилган. Марку Силва «Фулхэм» билан икки мавсумдан бери фаолият юритмоқда. Мураббий жамоани АПЛга қайтарди, кейинчалик клуб билан бирга 10-ўринни эгаллади. Португалиялик мутахассиснинг амалдаги шартномаси яна бир мавсумга мўлжалланган. Олдинроқ матбуотда Марку Силванинг «Фулхэм» билан шартномани узайтиришга шошилмаётгани ҳақида хабарлар тарқалган эди.