АПЛ. 15-16-турлар: «Астон Вилла» важоҳатига қаранг...

Аввалига «Манчестер Сити»дан устун келган Бирменгем жамоаси шанба куни «Арсенал»ни ҳам тўхтатишга куч топди. Натижада «Ливерпуль» турнир жадвалининг янги пешқадамига айланди. Асосий факт: икки грандни ҳам ягона гол эвазига доғда қолдирган «Астон Вилла»нинг мағлубиятсиз серияси 7та ўйинга чўзилди - 6та ғалаба ва 1та дуранг. Унаи Эмери мураббийлик фаолияти давомида Хосеп Гвардио­ладан илк марта устун келганини ҳам алоҳида таъкидлаш керак. 

*** «Ливерпуль» 43-марта 90-дақиқадан кейин ғалаба голини уриб, бу борада АПЛ рекордини янгилади. 17та шундай гол Юрген Клопп даврида кузатилди. Ҳозирда АПЛнинг иккинчи юқори натижаси «Арсенал»га тегишли - 90-дақиқадан кейин 32та ғалаба голи. 

*** Муҳаммад Салоҳ «Ливерпуль» учун юбилей - 200-голини урди. Қолаверса, мисрлик ҳужумчининг АПЛдаги голлари сони 150тага етди ва у чемпионат тарихидаги энг яхши тўпурарлар рўйхатида кучли 10таликка кирди (Майкл Оуэн ҳисобида ҳам 150та гол бор).

*** «Брайтон» АПЛ тарихида мавсумнинг дастлабки 16та ўйинида ҳам гол урган, ҳам қўйиб юборган биринчи жамоа бўлди. 

*** «Борнмут» тарихда АПЛнинг сафар ўйинида «МЮ»ни илк марта енгди. «Олчалар» бунга қадар «Олд Траффорд»да бу рақибга 5 марта ютқазиб, атиги 1та ўйинда дуранг қайд этишганди.

*** «МЮ» афсонавий сэр Алекс Фергюсон билан хайрлашганидан буён 10 йил давомида 35та уй учрашувида мағлубликни тан олди. Таққослаш учун, «қизил иблислар» буюк Ферги давридаги 21 мавсумда ўз майдонларида 34та мағлубият қайд этишганди. «МЮ» жорий мавсум «Олд Траффорд»даги 13та ўйиндан 6тасида мағлубиятга учрагани - яна бир факт. 

*** «Астон Вилла» Унаи Эмери бошқарувида АПЛнинг кетма-кет 15та уй ўйинида ғалаба қозонди. Жамоа Бирмингемда охирги марта 18 февраль куни айнан «Арсенал»га қарши баҳсда очко йўқотганди (2:4). Эмери АПЛ тарихида камида 15та уй учрашувида ғалабали серия қайд этган 5-мураббийга айланди (Алекс Фергюсон, Роберто Манчини, Хосеп Гвардиола ва Юрген Клоппдан кейин). Умуман, «Астон Вилла» барча турнирлар доирасидаги охирги 14та ўйиндан 11тасини ўз фойдасига ҳал қилди.

*** «Арсенал»нинг 5та ўйинга чўзилган ғалабали одими узилди.

*** 22 ёшли Букайо Сака («Арсенал») АПЛ тарихида 150-ўйин маррасига етган бешинчи ёш футболчи бўлди (Раҳим Стерлинг, Жеймс Милнер, Сеск Фабрегас ва Уэйн Рунидан кейин). 

*** «Манчестер Сити» АПЛда 4та ўйинга чўзилган ғалабасиз серияси (3та дуранг ва 1та мағлубият)га чек қўйди. 

*** «Челси» 2023 йили 18та ўйинда имкониятни бой берди. Бу йил АПЛда фақат «Борнмут» кўпроқ мағлубиятга учради (19 марта).

*** 5та ўйинда ғалаба нималигини билмаган «Тоттенхэм» (1та дуранг ва 4та мағлубият) нохуш анъанага чек қўйди. Умуман, жамоа 2008 йилдан буён илк марта ўз майдонида қаторасига 3 марта ютқазганди.

15-ТУР. 5 декабрь

ВУЛВЕРХЭМПТОН - БЕРНЛИ - 1:0 (1:0)

Вулверхэмптон. 30439 томошабин.

Гол: Хи Чан Хван (42).

ЛУТОН - АРСЕНАЛ - 3:4 (1:2)

Лутон. 11112 томошабин.

Голлар: Ошо (25), Адебайо (49), Баркли (57) - Мартинелли (20), Жезус (45), Хаверц (60), Райс (90+7).

6 декабрь

БРАЙТОН - БРЕНТФОРД - 2:1 (1:1)

Брайтон. 25000 томошабин.

Голлар: Гросс (31), Хиншелвуд (52) - Мбемо (27-пен.).

МЮ - ЧЕЛСИ - 2:1 (1:1)

Манчестер. 73607 томошабин.

Голлар: Мактоминей (19, 69) - Палмер (45).

Фойдаланилмаган пенальти: Фернандеш (9, М.).

ШЕФФИЛД ЮНАЙТЕД - ЛИВЕРПУЛЬ - 0:2 (0:1)

Шеффилд. 31406 томошабин.

Голлар: ван Дейк (37), Собослаи (90+5).

ФУЛХЭМ - НОТТИНГЕМ ФОРЕСТ - 5:0 (2:0)

Лондон. 24105 томошабин.

Голлар: Ивоби (30, 74), Хименес (34, 54), Кэрни (86).

КРИСТАЛ ПЭЛАС - БОРНМУТ - 0:2 (0:1)

Лондон. 20000 томошабин.

Голлар: Сенеси (25), Мур (90+1).

АСТОН ВИЛЛА - МАНЧЕСТЕР СИТИ - 1:0 (0:0)

Бирмингем. 39000 томошабин.

Гол: Бэйли (74).

7 декабрь

ЭВЕРТОН - НЬЮКАСЛ - 3:0 (0:0)

Ливерпуль. 38198 томошабин.

Голлар: Макнил (79), Дукуре (86), Бету (90+7).

ТОТТЕНХЭМ - ВЕСТ ХЭМ - 1:2 (1:0)

Лондон. 48000 томошабин.

Голлар: Ромеро (11) - Боуэн (52), Уорд-Проуз (74).

----------------------------------------

16-ТУР. 9 декабрь

КРИСТАЛ ПЭЛАС - ЛИВЕРПУЛЬ - 1:2 (0:0)

Лондон. 25103 томошабин.

Голлар: Матета (57-пен.) - Салоҳ (76), Эллиотт (90+1).

Ливерпуль: Алиссон, Александер-Арнольд, ван Дейк, Куанса (Конате, 57), Цимикас, Эндо (Гомес, 46), Собослаи (Жонс, 73), Гравенберх (Гакпо, 57), Салоҳ, Диас, Нуньес (Эллиотт, 74).

Четлатиш: Айю (75, К.).

БРАЙТОН - БЕРНЛИ - 1:1 (0:1)

Брайтон. 31511 томошабин.

Голлар: Аденгра (77) - Одобер (45).

ВУЛВЕРХЭМПТОН - НОТТИНГЕМ ФОРЕСТ - 1:1 (1:1)

Вулверхэмптон. 31543 томошабин.

Голлар: Матеус Кунья (32) - Тоффоло (14).

МЮ - БОРНМУТ - 0:3 (0:1)

Манчестер. 73427 томошабин.

Голлар: Соланке (5), Биллинг (68), Сенеси (73).

МЮ: Онана, Диогу Далот, Магуайр, Шоу (Эванс, 79), Регилон, Бруну Фернандеш, Амрабат, Мактоминей, Антони (Пельистри, 79), Гарначо (Рэшфорд, 79), Мартиаль (Хойлунд, 56).

ШЕФФИЛД ЮНАЙТЕД - БРЕНТФОРД - 1:0 (1:0)

Шеффилд. 28509 томошабин.

Гол: Макати (45+1).

АСТОН ВИЛЛА - АРСЕНАЛ - 1:0 (1:0)

Бирмингем. 42000 томошабин.

Гол: Макгинн (7).

Астон Вилла: Эмилиано Мартинес, Динь (Морено, 78), Пау Торрес, Карлос, Конса (Кэш, 66), Бэйли (Диаби, 46), Камара (Дендонкер, 66), Луис, Макгинн, Тилеманс (Рэмзи, 56), Уоткинс.

Арсенал: Райя, Уайт, Габриэль, Салиба, Зинченко (Нелсон, 90+4), Эдегор, Райс, Хаверц, Мартинелли (Троссард, 70), Сака, Габриэль Жезус.

10 декабрь

ЭВЕРТОН - ЧЕЛСИ - 2:0 (0:0) 

Ливерпуль. 39280 томошабин.

Голлар: Дукуре (54), Доббин (90+2).

ФУЛХЭМ - ВЕСТ ХЭМ - 5:0 (3:0) 

Лондон. 23988 томошабин.

Голлар: Хименес (22), Виллиан (31), Адарабиойо (40), Уилсон (60), Винисиус (88).

ЛУТОН - МАНЧЕСТЕР СИТИ - 1:2 (1:0) 

Лутон. 11047 томошабин.

Голлар: Адебайо (45+2) - Бернарду Сильва (62), Грилиш (65).

Манчестер Сити: Эдерсон, Уокер, Аке, Рубен Диаш, Гвардиол (Стоунз, 69), Ковачич (Матеуш Нунеш, 83), Грилиш, Бернарду Сильва, Родри, Фоден (Аканжи, 90+3), Альварес. 

ТОТТЕНХЭМ - НЬЮКАСЛ - 4:1 (2:0) 

Лондон. 61171 томошабин.

Голлар: Удожи (26), Ришарлисон (38, 60), Сон Хюн Мин (85-пен.) - Жоэлинтон (90+2).

* «Фэйр-плей» қоидаларини бузганлиги учун «Эвертон»дан 10 очко олиб ташланган.

ТЎПУРАРЛАР:

Холанд (Манчестер Сити) - 14та

Салоҳ (Ливерпуль) - 11та

Сон Хюн Мин (Тоттенхэм) - 10та...

17-ТУР

15 декабрь (жума)

01:00   Ноттингем Форест - Тоттенхэм

16 декабрь (шанба)

20:00   Манчестер Сити - Кристал Пэлас

20:00   Челси - Шеффилд Юнайтед

20:00   Ньюкасл - Фулхэм

20:00   Борнмут - Лутон 

22:30   Бeрнли - Эвертон

17 декабрь (якшанба)

19:00   Арсенал - Брайтон

19:00   Брентфорд - Астон Вилла

19:00   Вест Хэм - Вулверхэмптон

21:30   Ливерпуль - МЮ