«Челси» нишонида уч «нерадзурри»

Журналист Жанлука Ди Марцио ўз сайтида ёзган хабарига кўра, гап ҳимоячилар Милан Шкриньяр, Дензел Дюмфрис ва Алессандро Бастони ҳақида кетмоқда. Бироқ, ҳозирча, масала қизиқишдан нарига ўтгани йўқ. Ҳужумчи Ромелу Лукакунинг Лондон клубидан «нерадзуррилар» сафига ўтиши мумкинлигига келсак, айни дамда «Интер» бир йиллик ижара учун 5 миллион евро ва яна 2 миллион бонус сифатида таклиф қилмоқда. «Кўклар» бу миқдорни кам баҳоланган деб ҳисоблашади, бироқ «Интер» музокараларни давом эттиришга ва лондонликлар истаган суммага - 10-12 миллионга яқинлашишга тайёр. Ди Марционинг фикрича, бугун Лукаку бўйича музокараларда муҳим кун бўлиши мумкин.