«Монца» Ачерби ва Белоттига харидор

Манбага кўра, 34 ёшли италиялик футболчига илк бор «А» Серияга чиққан «Монца» даъвогарлик қилмоқда. Ачерби ўтган мавсумда 36 ўйин ўтказиб, 4та гол ва 2та голга ассистентлик қилган. Transfermarkt портали футболчининг нархини 5 миллион еврога баҳоламоқда.

Шунингдек, «Монца» «Торино» ҳужумчиси Андреа Белоттини ўз сафига қўшиб олмоқчи, деб хабар беради La Stampa. 28 ёшли форварднинг «буқалар» билан шартномаси 2022 йилнинг 30 июнида якунига етади. Шундай қилиб, «А» сериянинг янги клуби италиялик ҳужумчини текинга ўз сафига қўшиб олиши мумкин. Белотти жорий мавсумда «Торино» сафида 23та ўйинда майдонга тушиб, 8та гол урган. Transfermarkt маълумотларига кўра, ҳужумчининг нархи 28 миллион еврони ташкил қилади. «Монца»нинг барча ўйинчиларининг умумий қиймати 45 миллион евродан ошади.