Жастин уйига ўғри тушди

Босқинчилар 200 минг евро миқдоридаги қимматбаҳо буюмларни ҳам ўмариб кетишган. Жиноятчилар «Валенсия» клуби ярим ҳимоячисининг қиз ўртоғини калтаклаб, уйдан қиймати 200 минг евро миқдоридаги қимматбаҳо буюмларни ўғирлаб кетишган. Бу ҳолат Клювертнинг қиз дўсти ўз итини сайр қилдириб, уйга қайтганда содир бўлган. Улар қизни калтаклашган ва қимматбаҳо буюмлар қаерда турганини билиб олишган. Полиция маълумотларига кўра бу воқеа 5 дақиқа ичида содир бўлган. Қизнинг жароҳатлари жиддий эмас, аммо у ҳозирда шок ҳолатида. Жастин Клюверт эса Мальорка шаҳрида «Мальорка» жамоасига қарши ўйинга тайёрланаётган бўлган.