Абдуқодир Хусановга бўлган қизиқиш ортмоқда.

“Ланс”да порлай бошлаган 20 ёшли легионеримизга Франциядан ташқари, Англия, Италия ва Германиянинг машҳур клубларидан қизиқиш бўлаётгани айтилмоқда.

Англия футболини ёритиб келаётган  footballinsider247.com  портали ўзининг  Inside Track подкастида “Ньюкасл”нинг Абдуқодир Ҳусановни трансфер қилиш имкониятларини муҳокама қилди. 
Экспертларнинг таъкидлашича, “Ньюкасл” бош мураббийи Эдди Хау асосий марказий ҳимоячилар Свен Ботман ҳамда Жамаал Ласеллес жароҳат туфайли узоқ муддатга сафдан чиққани боис, қишки трансферлар давридаёқ ҳимоя чизиғини янги ўйинчилар билан кучайтириш ҳаракатига тушган.

“Қарғалар” шорт листида турган футболчилардан бири Франция чемпионатининг энг яхши марказий ҳимоячиларидан бирига айланиб қолган Абдуқодир Ҳусанов ҳисобланади.

  Football Insider интернет портали ўз поткастида  Хусановнинг  “Ньюкасл”га ўтиш имкониятларини мухокама қилишдан ташқари унинг статистикасини ҳам келтирди.

Махсус маълумотномада 20 ёшли ҳимоячи клублар миқёсида профессионал даражада 60 дан зиёд учрашувда иштирок этган, ана шу баҳсларнинг 37 таси Беларусь чемпионатига тўғри келганини, Ўзбекистон миллий терма жамоаси сафида  16 маротаба майдонга тушганини маълум қилган.