Салим Мустафоев: "Бизга етишмаган ягона жиҳат - барқарорлик"
Вадим Абрамов бошқарувида Суперлигага қайтган Самарқанд «Динамо»си жорий мавсум ўз олдига катта мақсадлар қўймаган бўлсада, мазмунли ўйинлари билан ижобий таассурот уйғотди кўпчиликда
Фахрий учун энг таъсирчан лаҳза! Футбол шундай воқеликлар билан ҳам гўзал, албатта.
Димитри Пайет 2017 йилдан буён «Марсель» билан бирга эди. Франция миллий жамоаси собиқ вакили 2013-2015 йилларда ҳам айнан шу клуб шарафини ҳимоя қилганини қўшимча маълумот сифатида келтириш ўринли. Умуман олганда, хавбек «Марсель» либосида жами 326та расмий ўйинда майдонга тушиб, 78та гол уришдан ташқари, 95та самарали узатма муаллифига айланган. Лекин ҳаммасининг хотимаси бор - клуб раҳбарияти жорий ёз Димитри кетишини эълон қилди.
36 ёшли футболчининг хайрлашув маросимида кўз ёшларини тутиб туролмагани кўпчиликка кучли таъсир қилгани ўз-ўзидан тушунарли. Клуб шунингдек, ўзининг ижтимоий тармоқдаги саҳифасида ҳам фахрий билан муносиб хайрлашди. «Раҳмат, сардор! Ноёб нафисликка туйинган соф иқтидор. «Марсел»нинг 10-рақами ажиб техникаси, гўзал голлари ва бетакрор узатмалари билан бутун авлодни илҳомлантирди, клубда катта из қолдирди. «Марсель» Димитри ва унинг оиласига келажакда энг яхши нарсаларни тилайди. «Олимпик» ҳамиша сенинг жонажон уйинг бўлиб қолаверади», - дейилади клуб баёнотида.
