“Арсенал” йирик трансферга таёгарлик кўряпти
"Арсенал" "Милан"нинг нидерландиялик хавбеки Тижани Рейндерсга қизиқиш билдирмоқда.
The Independent хабарига кўра, Лондон клуби раҳбарияти жамоа устози Микель Артетага ёзги трансфер ойнасида таркибни кучайтириш учун 150 миллион фунт маблағ ажратган. Ушбу маблағнинг маълум қисми ўйинчиларнинг сотувидан тушган маблағ эвазига шакллантирилади. Артета жамоанинг ёзги трансфер ойнасидаги асосий мақсади сифатида ярим ҳимоя чизиғини кучайтиришни кўзлаган. Клуб «Вест Хэм» сардори Деклан Райсни ўз сафига қўшиб олиш учун курашади. Шунингдек, Артета ҳужумчи ва ҳимоячи сотиб олишни мақсад қилган. Маълумот учун, «Арсенал» 7 йиллик танаффусдан кейин 2023/24 йилги мавсумдан Чемпионлар лигасида қатнашади. Клуб АПЛ турнир жадвалида 34 ўйиндан кейин 78 очко билан 2-ўринда бормоқда.
