Белфодил Исломга жамоадош бўлди

30 ёшли жазоирлик «Ал-Гарафа» аъзосига айланди ва клуб билан 2024 йил ёзига қадар шартнома имзолади. Аввалроқ, у БААнинг «Банияс» жамоаси шарафини ҳам ҳимоя қилган. Форвард ўтган мавсум клуби либосида 30 баҳсда қатнашиб, 6+3 натижага эришди. Футболчи фаолияти давомида «Лион», «Болонья», «Парма», «Интер», «Ливорно», «Стандарт», «Вердер» ҳамда «Хоффенхайм» каби клублар шарафини ҳам ҳимоя қилган. Эслатиб ўтамиз, «Ал-Гарафа» сафида Ислом Тўхтахўжаев ҳаракат қилади. Жамоа Қатар юлдузлар лигаси 3-туридан кейин 4 очко билан 5-ўринда бормоқда.