«Торино» ҳимоячиси Глейсон Бремернинг агенти Миланга етиб келди.
Журналист Андерсиньо Маркеснинг хабарига кўра, яқин орада футболчининг вакили «Интер» билан музокаралар олиб боради. Эслатиб ўтамиз, «Интер» ўтган мавсумда Италия «А» сериясининг энг яхши ҳимоячиси деб топилган Глейсон Бремерни ўз сафига қўшиб олишга анча вақт уриниб кўрди. «Нерадзуррилар» ҳали футболчи учун зарур бўлган 40 миллион еврони тўлашга тайёр эмас, шу боис бразилиялик футболчининг бошқа жамоага ўтиши хавфи сақланиб қолмоқда. Бремернинг ўзи аллақачон «Торино»ни тарк этиб, кейинги мавсумда Чемпионлар лигасида ўйнайдиган жамоада ўйнашни истаётганини айтиб ўтган.
