Бу борада Салоҳ ягона!

Бу гол 31 ёшли футболчининг жорий мавсум «Ливерпуль» сафидаги 20-голи бўлди. Шу тариқа, Салоҳ инглиз жамоаси тарихида 7 мавсум давомида +20 та гол урган биринчи футболчига айланди. Ҳали ҳеч бир футболчи «Ливерпуль» тарихида бундай натижага эриша олмаган. Маълумот учун, Салоҳ 2017 йилнинг ёзида жамоага келиб қўшилган. Шу вақт ичида Салоҳ «Ливерпуль» сафида 335 та учрашувда майдонга тушган. Унинг ҳисобида 205та гол ва 89та голли узатма бор. Айтганча, Юрген Клопп мазкур ўйинда Салоҳга мураббийлик фаолиятида илк марта ҳимояланмасликка рухсат берди. «Ушбу ўйинда мен биринчи марта футболчига ҳимояланмасликка рухсат бердим. Мен Салоҳнинг имкон қадар кўпроқ гол уришини хоҳлардим. Муҳаммад жуда тажрибали футболчи. У «Спарта»га қарши учрашувда яна битта гол уриши мумкин эди, бироқ Гакпо офсайдда эди», - деб фикр билдирди Клопп.