Энг ноодатий мавсум

Ўшанда «Депортиво» илк марта Испания чемпиони бўлганди. Боз устига, «Атлетико», «Севилья» ва «Бетис» клублари қуйи лигага тушиб кетганди (3та чемпион жамоанинг элита билан бир мавсумда хайрлашиши Испания футболи тарихида биринчи марта кузатилган). Ваҳоланки, «Бетис» ўша мавсум футбол тарихидаги энг қимматбаҳо трансферни амалга оширганди (бразилиялик Денилсон учун 31,5 млн. евро тўланган). «Атлетико»да эса Хассельбайнк 24та гол уриб, лиганинг 2-рақамли тўпурари бўлган, аммо бундан жамоа наф кўрмаган. Яна бир факт: голеадорлар пойгасида камтарин «Расинг» (15-ўрин) вакили Сальва Бальеста (27та гол) ғолиб чиққанди. «Реал» эса ўша йили ЧЛ кубогини ютган бўлсада, Ла Лигада атиги 5-ўрин билан чекланган.