"Ювентус" Бен Чилвеллни сотиб олишни режалаштирмоқда
Хабарларга кўра, "Ювентус" "Челси"дан Бен Чилвеллни сотиб олиш имкониятини кўриб чиқмоқда, чунки туринликлар яқинлашиб келаётган трансфер ойнасида ҳимоя чизиғини кучайтирмоқчи.
Ўзбекистон футбол ассоциацияси Тиббий қўмитаси раиси Аброр Пирриев ижтимоий тармоқдаги саҳифаси орқали миллий терма жамоамиз футболчиларда учраётган жароҳатлар тўғрисидаги фикрлари билан ўртоқлашди.
"МТЖдаги жароҳат маълумотлари бир зумда тарқалди, турфа фикрлар билдирилди. Аммо бошқа бир жиҳат каминанинг диққатимни тортмоқда.
Яъниким, жароҳат олганларга шунчаки эшик кўрсатиб қўйилмаётгани, балки уларнинг тўлиқ тузалиб, яна сафга қайтгунича зарур тиббий ва моддий-маънавий ёрдам режа асосида амалга оширилаётгани эътиборга молик.
Масалан, жиддий жароҳат олган Игор Сергеевнинг тиззасида қилинадиган жарроҳлик амалиёти машҳур “Aspetar” клиникасида, таниқли америкалик жарроҳ томонидан қилиниши белгиланган. Тизза бўғини бойламлари жароҳати билан мубоқани эрта якунлаган Алижонов жамоа тиббий штаби ва "Aspetar" мутахассислари томонидан даволанмоқда. Ҳатто умумий рўйхатга киритилмаган, сон орқа мушаги жароҳати қийнаган Алиқуловда 21-январгача зарур даво муолажалари ўтказилиб, шундан кейин клубига юборилди.
Хуллас, масъуллар ҳар бир футболчига жамоанинг олтин фонди каби муносабат билдираётгани, фақатгина Осиё кубоги эмас, балки Жаҳон чемпионати сари курашда аск қотувчи жангчи сифатида қараётгани таҳсинга лойиқ", — деди мутахассис.
