“Пахтакор” матбуот хизматининг маълум қилишича, Элит Чемпионлар Лигасининг 5-туридан ўрин олган "Истиқлол" ва "Пахтакор" ўртасидаги учрашув Дубайда бўлиб ўтади.
ОФК Эрондаги сиёсий нотинч вазият сабабли, беллашув БААда ўтказилишини тасдиқлади. "Шерлар" 25 ноябрь, душанба куни Дубай шаҳрида жойлашган "Рашид" стадионида айни пайтда Жалолиддин Машарипов тўп тепаётган "Истиқлол" билан тўқнаш келади. Баҳс Тошкент вақти билан соат 21:00 (маҳаллий 20:00)да бошланади.
Қайд этиш керак, олдинроқ Эрон миллий термасининг Қатарга қарши ўйини ҳам Дубайда, айнан "Рашид" стадионида ташкиллаштирилганди.
