Аморимнинг дастлабки трансфер мақсади аниқ
«Манчестер Юнайтед» қишда марказий ярим ҳимоячи билан шартнома имзоламоқчи.
Дидье Дешам шогирдлари мутлақо хотиржам ҳолда тўп суриб, полякларни 3:1 ҳисобида доғда қолдиришди. Чунончи, Роберт Левандовски етакчилигидаги Польша термаси аргентиналиклар билан бўлган баҳсдаги каби майдонда қандайдир каромат кўрсатолмади. Кароматнинг каттасини эса Килиан Мбаппе номойиш қилди - 2та гол ва 1та самарали узатма.
*** Килиан Мбаппе (Франция) якшанба ҳолати бўйича ЖЧ-2022да фойдали ҳаракатлар сони бўйича яққол пешқадам бўлиб олди - «Гол+пас» тизимида 7 очко (5та гол ва 2та ассист). Эътиборлиси, Килиан ўйиннинг энг яхши футболчиси сифатида матбуот анжуманида қатнашиши керак эди. Бироқ у бундан бош тортди ва энди жарима тўлайди.
*** Оливье Жиру Франция термаси учун 52-голини уриб, жамоанинг бош тўпурарига айланди. У Тьерри Анридан ўзиб кетди.
*** Франция термаси ЖЧ 1/8 финалида 6-марта иштирок этди. Эътиборлиси, жамоа уларнинг барчасида ғалаба қозонган.
*** Дарвозабон Уго Льорис Франция миллий жамоаси бош гвардиячиси бўлиб турган Лилиан Тюрам (142та ўйин) натижасини такрорлади. Дарвозабон шунингдек, ЖЧдаги ўйинлари сони (17та) бўйича жамоа рекордчилари Фабьен Бартез ва Тьерри Анри билан тенглашди.
ФРАНЦИЯ - ПОЛЬША - 3:1 (1:0)
4 декабрь. Доха. «Ал-Тумама» стадиони. 40989 томошабин.
Бош ҳакам: Хесус Валенсуэла (Венесуэла).
Голлар: Жиру (44), Мбаппе (74, 90+1) - Левандовски (90+9-пен.).
Франция: Льорис, Кунде (Дисаси, 90+2), Варан, Упамекано, Эрнандес, Рабьо, Тчуамени (Фофана, 66), Жиру (Тюрам, 76), Гризманн, Дембеле (Коман, 76), Мбаппе.
Польша: Шесни, Кэш, Глик, Кивер (Беднарек, 87), Берешиньски, Каминьски (Залевски, 71), Франковски (Гросицки, 87), Криховяк (Белик, 71), Зелиньски, Шиманьски (Милик, 64), Левандовски.
Огоҳлантиришлар: Тчуамени (31) - Берешиньски (47), Кэш (88).
Ўйиннинг энг яхши футболчиси: Килиан Мбаппе (Франция).
Ўйин статистикаси
Франция Польша
Кўрсаткичлар
16 Зарба 12
8 Аниқ зарба 3
10 Қоида бузиш 8
7 Бурчак тўпи 1
3 «Офсайд» 1
55 фоиз Тўп назорати 45 фоиз
