Копмейнерс учун 55 миллионли таклиф

Турин клуби «Аталанта»га нидерландиялик футболчи учун бонуслар билан бирга 55 млн. евро таклиф қилди, дея хабар беради Фабрицио Романо. Агар келишув амалга ошса, бу «А» Серия тарихида ярим ҳимоячилар ўртасида энг қиммат трансфер бўлади. Ўтган Италия чемпионатида Копмейнерс 34та ўйин ўтказиб, 12та гол ва 5та ассистни ўз ҳисобига ёздириб қўйган. Аввалроқ Бергамо клуби бош мураббийи Жан-Пьеро Гасперини 26 ёшли футболчининг стрессдалигини, «Ювентус» билан келишиб олганини ва шу сабаб жамоадан четлатилганини айтганди.