Легионерлар ФИФАга мурожаат қилишмоқчи

Журналист Ромен Молинанинг ёзишича, Саудия Арабистони чемпионатидаги «Ал-Оруба», «Ал-Холуд» ва қуйи дивизиондаги «Ал-Сафе» клублари жамоадаги легионерларга сўнгги ойларда маош тўламай қўйган. Қайд этилишича, футболчилар иш ташлаш ёки клублари устидан ФИФАга шикоят хати ёзиш масаласини кўриб чиқишмоқда. Маълумот учун, «Ал-Оруба» сафида «Барселона» собиқ ўйинчиси Кристиан Тельо ҳаракат қилаётган бўлса, Каталония клубининг яна бир собиқ аъзоси Алекс Кольядо «Ал-Холуд» сафида тўп сурмоқда. 10-турдан кейин «Оруба» 13, «Холуд» эса 15-поғонани банд этиб турибди.