«Лутон» ва Пеллида Англия рекорди!

Роб Эдвардс жамоаси Чемпионшип плей-офф финалида «Ковентри»га қарши ўйинда ғалаба қозонди (1:1, пенальтилар бўйича - 6:5) ва кейинги мавсумни юқори лигада ўтказадиган бўлди. «Лутон»га миллий лигадан кўтарилганидан сўнг АПЛга чиқиш учун 9 йил керак бўлди: 2014 йилда 2-лигага, 2018 йилда 1-лигага, 2019 йилда Чемпионшипга ва 2023 йилда Премьер-лигага чиқди. Натижада 1977 йилдан 1986 йилгача худди шундай муваффақиятга эришган «Уимблдон»нинг рекорди такрорланди. Эътиборлиси, «Лутон» ярим ҳимоячиси Пелли Раддок-Мпанзу бир жамоа билан 5-дивизиондан АПЛгача кўтарилган биринчи футболчига айланди.