Машарипов Грецияда, Абдухолиқов эса Қозоғистонда "ёндиряпти"

Асли хоразмлик  30 ёшли «Пахтакор» тарбияланувчиси Грециянинг «Пансерраикос» клуби билан эркин агент мақомида 1 йиллик шартнома имзоланганини расман эълон қилди.
Маълумот учун, «Пансерраикос» клуби Серре шаҳри шарафини ҳимоя қилувчи клуб саналади. Ушбу жамоа Греция Суперлигасида 5-турдан кейин 6 очко билан 8-ўринда бормоқда. «Пансерраикос» сўнгги 3 ўйинида дуранг қайд этган.

Қозоғистон Премьер-лигасида жавлон ураётган бош жамоамиз ҳужумчиларидан бири Бобур Абдухолиқов кечаги 18-турда ҳам жамоасига ғалаба келтирган муҳим гол муаллифи бўлди. ПЛнинг қолдирилган 18-турида «Ордабаси» ўз майдонида «Мақтаарал» клубини қабул қилди ва учрашувнинг 61-дақиқасида мезбонларнинг ўзбекистонлик ҳужумчиси Бобур Абдухолиқов томонидан киритилган ягона гол Чимкент жамоасига муҳим ғалабани келтирди – 1:0. 
Бу унинг турнирдаги 7-голига айланди.
Шу тариқа, «Ордабаси» 24 ўйиндан кейин 55 очко жамғариб, пешқадамликни давом эттирмоқда. «Астана» 23 ўйиндан кейин 49 очко билан 2-ўринда бормоқда, «Мақтарал» эса 11-поғонадан жой олган.
Айтганча, шу куни чимкентликлар сафида Абдухолиқов 83-дақиқага қадар, Шаҳбоз Умаров эса 69-дақиқагача ўйнади.
Қозоғистон чемпионати. 18-тур қолдирилган ўйини.
«ОРДАБАСИ» - «МАҚТААРАЛ» - 1:0
Гол: Бобур Абдихолиқов, 61.