«Рома», «Тоттенхэм» ва Миср терма жамоаси собиқ ҳужумчиси Мидо 41 ёшида футболчилик фаолиятини давом эттирмоқчи.
У 2013 йилнинг ёзида футболчилик фаолиятини тугатганини эълон қилганди. Шундан сўнг у Миср клубларида мураббий бўлиб ишлади, Саудия Арабистони жамоасини бошқарди. Мутахассис Қоҳира телеканалига берган интервьюсида шундай деди: «Саёҳатим ҳали тугамади. Мен Миср Премьер-лигасида ўйнашга қайтишни ўйлаяпман. Агар қайтсам, камида 10та гол уриш бўйича гаров боғлашим мумкин. Ҳозир у ерда яхши ҳужумчилар йўқ ва бу мени қайтишга руҳлантирмоқда. Тез орада Миср клубларидан бирига қўшилиб, улар билан машғулот ўтаман. 60 фоиз тайёрман. Мен футболни тарк этмагандим, шунчаки ўн йиллик танаффус олгандим».
