Мингеса «Сельта»га ўтди

Каталония клуби Мингеса трансфери бўйича Виго клуби билан келишувга эришганини эълон қилди. Футболчи тиббий кўрикдан ўтгач, янги клуби билан шартнома имзолайди. Аввалроқ, «Сельта» Мингеса учун каталонияликларга 3 миллион евро трансфер пули тўлаши ва унинг кейинги трансферидан «Барса» ўз улушига эга бўлиши ҳақида хабар қилинганди. Оскар виголиклар билан 2026 йилга қадар шартнома имзолайди. Маълумот учун, 23 ёшли испаниялик ҳимоячи ўтган мавсум Ла Лигада 19 ўйинда майдонга тушиб, битта ассистга муаллифлик қилган.