Моуриньо нихоят ёрилди

By Пўлатов Мухаммадхон 30 Oct, 2024 7 дақиқа ўқиш 83 Кўрилди

0 comments 0 likes

Португалиялик мураббий еврокубокларда нохолис ҳакамлик қилинишидан шикоят қилди. Жумладан, у 2023 йилги Европа лигаси финалини эслади, унда унинг қўл остидаги “Рома” “Севиля”га мағлуб бўлган (1:1, пен. 1:4).

Ўша ўйиндан сўнг Моуриньо ҳакам Энтони Тейлор билан можаро туфайли Евротурнирлардан 4та ўйинга дисквалификаcия қилинган эди.

“Мен Европада ўзимни доим муаммога дуч келгандек ҳис қиламан. Биласизми, мен финални шундай ютқаздимки, ҳалигача ўзимга кела олмаяпман ва ўшандан бери ўзимни хаёлпарастдек ҳис қиляпман.

“Манчестер Юнайтед”га қарши ўйинда Мен ҳам захира ўриндиғида ва стадионда ўтирганлар каби бақирдим: “Бу пеналти, бу пеналти!” - ҳеч қандай ҳақоратсиз, лекин барибир қизил карточка олдим. Бу жангда ҳеч қачон ғалаба қозона олмаслигимни биламан”, - деди “Фенербахче” бош мураббийи.

Моурино бой тажрибасини ҳисобга олиб, ҳакамлар унга яхши муносабатда бўлишлари керакми деган саволга ҳам жавоб берди.

"Йўқ, йўқ, мен бошқалар каби муносабатда бўлишга лойиқман. Майдонда сиз Лионель Мессимисиз ёки биринчи ўйинини ўтказаётган футболчимисиз, муҳим эмас. Қоидалар Месси ва ёш футболчилар учун бир хил.

Бу мураббийларга ҳам тегишли бўлиши керак. Кимлигингиз муҳим эмас - Карло Анчелоттими ёки фаолиятини энди бошлаётган ёш мураббий. Мен барчага ҳалол муомала қилишни хоҳлайман” - дея қўшимча қилди мураббий.