«МЮ» Забитцерни сотиб олмоқчи

Ҳуқуқий жиҳатдан «Бавария»га тегишли бўлган 29 ёшли австриялик хавбек қишки трансфер ойнасида Манчестер клубига ярим йиллик ижарага берилганди. Caught Offside хабарига кўра, «Бавария» Забитцер билан хайрлашишга тайёр. Клуб ёзги трансфер ойнасида Австрия миллий жамоаси етакчиси учун 25 миллион фунт сўрайди. Қайд этиш жоиз, Transfermarkt портали ўтган йил Забитцернинг трансфер баҳосини 15 миллион еврога баҳолаган бўлса, ҳозирга келиб ўйинчининг нархи 20 миллион еврога баҳоланмоқда. Аввалроқ, Эрик тен Хаг футболчининг ҳаракатларидан қониқаётгани ҳақида гапирган бўлса, австриялик хавбек ҳам «МЮ»да қолишига умид қилаётганини айтганди. Маълумот учун, жамоа сафига февраль ойидан қўшилган Марсель «МЮ» сафида ҳозиргача 13 ўйинда майдонга тушиб, 3та гол ва битта ассистга муаллифлик қилган.