"Насаф", "Навбаҳор" ва "Пахтакор" ОЧЛ-2023да қатнашишни нақд қилишди-ми?

Ўзбекистон кубоги финалчилари аниқ ва энди ОЧЛнинг кейинги мавсумини қайси жамоа қайси босқичдан бошлашини муҳокама қилиш мумкин:  

Жамоа № 1 

*** Ўзбекистон чемпиони («Насаф»|«Навбаҳор»|«Пахтакор») гуруҳ босқичига тўғридан-тўғри йўлланма олади ва шунинг баробарида қуръада 1-саватчага тушади.  

Жамоа № 2 

*** Ўзбекистон кубоги соҳиби («Насаф»|«Навбаҳор») ёки чемпион «дубль» қайд этган тақдирда Ўзбекистон вице-чемпиони («Навбаҳор»|«Насаф»|«Пахтакор») гуруҳ босқичига тўғридан-тўғри йўлланма олади ва қуръада 2-саватчага тушади.  

Жамоа № 3 

*** Ўзбекистон вице-чемпиони («Навбаҳор»|«Насаф»|­«Пахтакор») ёки чемпион «дубль» қайд этган тақдирда Ўзбекистон чемпионатининг учинчи совриндори («Пахтакор»|«Навбаҳор»|«Насаф»|­«Қизимқум») саралаш босқичига чиқади. Иштирокини эса биринчи раунддан бошлаши мумкин, агар «Ал-Сиб» ОФК кубоги финалида ғалаба қозонса ва ОЧЛ лицензиясини олса. Бу ҳолатда «Ал-Сиб» билан ўз майдонида ўйнайди. Иккинчи раунда эса меҳмонда Қатарнинг тўртинчи клуби билан.  

Жамоа № 4 

*** Ўзбекистон чемпионатининг учинчи совриндори («Пахтакор»|«Навбаҳор»|­«Насаф»|«Қизимқум») ёки чемпион «дубль» қайд этган ва «Қизилқум» 3-ўринни эгаллаган тақдирда Ўзбекистон чемпионатининг 4-жамоаси («Қизилқум»|«Сўғдиёна»|АГМК|«Пахтакор») саралаш босқичига чиқади ва биринчи раундда «Башундара Кингз» (Бангладеш)ни қабул қилади. Иккинчи раунда эса сафарда Қатарнинг учинчи клубига қарши ўйнайди.  

Хуллас, бугун ишонч билан айтиш мумкинки, ОЧЛнинг кейинги мавсумида Ўзбекистон шарафини «Насаф», «Навбаҳор» ва «Пахтакор» ҳимоя қилади. 3та клубга ҳам гуруҳга тушиши учун олтин ёки кумуш медаль кифоя қилади, шарти шуки, чемпион «дубль» қайд этса. «Насаф» ва «Нав­баҳор»да қўшимча имконият бор - кубок финали. Чемпионатда 4-ўрин учун кураш «плей-офф» учун кураш демакдир. Шу жойда ОЧЛ лицензияси ҳақида ҳам гапириш керак. Лекин тушунамизки, бизда қайси клубларга керак бўлса, барчаси лицензия олади. Бизда қачон бошқача бўлган? 

Алишер Никимбаев