“Навбаҳор” буларус ва нигериялик футбочилар билан шартнома имзолади

Куни кеча, нигериялик ярим ҳимоячи Бенжамин Тейди “Навбаҳор” билан шартнома имзолади.

Бенжамин Тейди 1994 йил, 5 май куни Нигериянинг Лагос шаҳрида туғилган.

Фаолияти давомида Грузиянинг “Гагра” (Тбилиси), “Гурия” (Ланчхути), “Алгети” (Тбилиси), “Имерети” (Кутаиси), “Динамо” (Батуми), Латвиянинг “Лиепая” (Лиепая) жамоаларида тўп тепган.

Ўтган мавсумда эса Грузиянинг “Иберия 1999” (Тбилиси) жамоасида ўйнаган.

Бенжамин Тейди “Динамо” (Батуми) таркибида икки марта Грузия чемпионлиги (2021 ва 2023 йиллар), бир марта Грузия суперкубоги (2022 йил)ни қўлга киритган.

“Навбаҳор” билан шартнома имзолаган ҳимоячи

Сергей Карпович эса 1994 йил, 29 март куни Беларуснинг Минск вилояти, Петришки шаҳарчасида туғилган.

“Динамо” (Минск) клуби тарбияланувчиси. Футболчилик фаолиятини минскликларнинг ёшлар жамоасида бошлаган.

Фаолияти давомида Беларуснинг “Динамо” (Минск), “Берёза-2010” (Берёза), “Нафтан” (Новополоцк), “Минск” (Минск), “Городея” (Городея), “Торпедо - БелАЗ” (Жодино) ва “Ислоч”(Минск), Россиянинг “Балтика” (Калининград), Қозоғистоннинг "Қайсар"(Қизил-Ўрда) жамоаларида тўп тепган.

2022 йилдан буён ҳозирга қадар Беларуснинг “Неман” (Гродно) жамоасида ўйнаган.

Сергей Карпович Беларуснинг турли ёш тоифасидаги терма жамоаларида тўп сурган, 2020 йилдан Беларусь миллий терма жамоасида ўйнамоқда. 

Ўз навбатида Карповичнинг қаторасига икки мавсум давомида Беларусь чемпионатининг энг яхши ҳимоячиси деб топилганлигини ҳам эътироф этиш жоиз.