Онана учун 40 млн. фунт!

Transfer News хабарига кўра, дарвозабонга Лондоннинг «Челси» клуби қизиқиш билдирмоқда ва томонлар аллақачон музокараларга киришган. 40 миллион фунт стерлинг миқдоридаги товон пули муҳокама қилинмоқда. Тўғридан-тўғри музокаралар жараёнида «кўклар» эгаси Тодд Боэлининг шахсан ўзи иштирок этади. Онана ўтган ёзда узоқ муддатли шартнома асосида «нерадзуррилар»га ўтганди. Италия чемпионатининг жорий мавсумида дарвозабон 21та ўйин ўтказиб, 19та гол ўтказиб юборган.