"ПСЖ" ҳужумчиси "Манчестер Юнайтед"га ўтиши мумкин
«ПСЖ»нинг франциялик ҳужумчиси Рандал Коло Муани Англиянинг «Манчестер Юнайтед» клубига ўтиши мумкин, дея хабар бермоқда Fussball.news мухбири Кристофер Мишел.
Бразилиялик собиқ футболчи Пеле 29 ноябр куни кутилмаганда Сан-Паулу шифохонасига ётқизилди. Унинг танасида кўплаб шиш ва юрак етишмовчилиги аниқланган. Футболчининг қизи унинг шифохонада эканини тасдиқлаган. Пеле ичаклари, жигари ва ўпкасида ўсмалар пайдо бўлгани туфайли бир неча ой давомида химиятерапия муолажасини олиб келаётган эди. Бироқ унинг фойдаси бўлмагани айтилмоқда. Пеле яна тиббий кўрикдан ўтиши лозим, у 82 ёшда. 2021 йил сентябрь ойида у йўғон ичакдаги ўсимтани олиб ташлаш бўйича операция қилинди. 2022 йилда эса учта хавфли ўсма ва сийдик йўллари инфекциясини даволаш учун икки марта шифохонага ётқизилган эди. Эдсон Арантес ду Насименту ёки «Пеле» уч марта (1958, 1962, 1970) жаҳон чемпиони бўлган дунёдаги ягона футболчи, XX асрнинг энг яхши футболчиси ҳисобланади.
