Раум «МЮ» нишонида

Sky Sport Deutschland мухбири Флориан Плеттенберг хабарига кўра, «Манчестер Юнайтед» 24 ёшли футболчини ўз сафига қўшиб олмоқчи. Музокаралар аллақачон бошланган, аммо келишувгача ҳали бор. Таъкидланишича, томонлар 30-35 млн. еврога келишиб олишлари мумкин. Олдинроқ Германия миллий жамоаси ҳимоячиси учун «Ньюкасл», «Вест Хэм» ва «Боруссия Д.» клублари даъвогарлик қилаётгани хабар берилганди. Плеттенбергнинг фикрича, дортмундликлар биринчи навбатда Нико Шульц ёки Рафаэл Геррейруни сотишлари керак. Раум ўтган мавсумда Бундеслигада 32 ўйинда майдонга тушиб, 11та голга ассистентлик қилган.