РЕЙТИНГ: Суперлига-2023: трансфер баҳоси бўйича юксалиш

«Телеграм» тармоғидаги sabitov_co канали муаллифи шунга қараб, жорий мавсум Суперлигада трансфер баҳоси бўйича энг катта ўсишга эришган футболчилар ҳақида маълумот тақдим этди алоҳида тасвир билан.

Демак, трансфер баҳосига энг кўп сумма қўшган футболчилар рўйхатининг 1-поғонасида «Навбаҳор» ярим ҳимоячиси Остон Ўрунов турибди. Миллий жамоамизда ҳам тобора етакчи ролида кўзга ташланаётган футболчининг ҳозирги ёрлиғи 800 минг еврога тенг. Бу футболчининг аввалги баҳосидан 300 минг евро кўпдир. Рейтингнинг 2-ўрнидан «Сурхон» тўпурари Силванус Нимели жой олди. Либериялик ҳужумчининг ёрлиғи 200 минг евро қимматлашди. Ҳозирда унинг трансфери 600 минг еврога баҳоланмоқда. Кучли учликда ОКМКнинг штатли пенальтичиси Хуршид Ғиёсов бор. Унинг трансфер суммасига 150 минг евро қўшилди. Ғиёсовнинг ҳозирги баҳоси 900 минг еврони ташкил этмоқда. Ҳожиакбар Алижонов («Пахтакор») ва Шерзод Насруллаев («Насаф») трансфер қиймати ҳам 150 минг доллар «болалади».