Роналду «Ал-Наср»да қолади

Ҳужумчи шу йилнинг январ ойида Саудия Арабистони жамоасига келиб қўшилган эди. Португалиялик футболчи лига матбуот хизматига берган интервьюсида чемпионатда қолишни режалаштираётганини айтди. «Ўйлайманки, лига жуда яхши, лекин бизда ўсиш учун ҳали кўп жой бор. Чемпионат рақобатбардош. Бизда жуда кучли жамоалар бор, кўплаб яхши араб футболчилари бор. Инфратузилма, менимча, бироз яхшилашга муҳтож. Ҳатто ҳакамлар, ВАР тизими... Улар бироз тезроқ бўлиши керак, бир неча кичик деталлар яхшиланиши керак. Лекин мен бу ерда бахтлиман ва шу ерда қолмоқчиман. Фикримча, агар улар келгуси 5 йил ичида режа асосида ишлашда давом этса, Саудия чемпионати дунёнинг топ-5 лигаси қаторига кириши мумкин», - деди Роналду.