«Сампдория» санкциялардан қутулиб қолди

Клуб 2022 йилнинг октябрь ва ноябрь ойлари учун футболчилар ва ходимлар олдидаги қарзларини тўлаш учун пул топди. Шу билан бирга, генуяликлар футболчилари ва ходимлари декабрь ойи учун тўловларни рад этишга рози бўлишди. Бу ҳақда Football Italia нашри хабар бермоқда. Қайд этилишича, эндиликда «Сампдория» январь, февраль ва март ойлари учун маош тўлаш учун 16 майгача 11 миллион евро топиши муҳим. Айни дамда «Сампдория» ўз ҳисобида 11 очко билан «А» серия турнир жадвалида сўнгги ўринни эгаллаб турибди.