Сирлар ошкор бўлмоқда...

By Пўлатов Мухаммадхон 04 Jul, 2023 7 дақиқа ўқиш 514 Кўрилди

0 comments 0 likes

Испания чемпионлигини қўлга киритган «Барселона» клуби президенти Жоан Лапорта жамоани икки йил муқаддам тарк этган Лионель Мессига ҳамон маош тўлаётганини ошкор қилди.

«Биз Лео учун ажайиб хайрлашув учрашувини ташкил қилиб берамиз. Бу тадбир янги «Камп Ноу»нинг очилишига тўғри келса зўр бўларди. Мессига 2025 йилга қадар маош тўлашимиз керак. Аввалги раҳбарият даврида тўловлар кейинга қолдирилган эди». Лионель Месси «ПСЖ»даги икки йиллик фаолиятидан кейин Европа футболини тарк этди. Энди у бундан буён АҚШ чемпионатида «Интер Майами» шарафини ҳимоя қиладиган бўлди. Ўз навбатида Америка клуби хўжайинларидан бири Хорхе Мас ҳам Леонинг маоши ҳақидаги маълумотларни ошкор қилди: «Шартномага кўра, Лионель Месси бир йилда 45 миллиондан 55 миллион еврогача маош олади. Бу даражадаги юлдуз билан келишиш учун жуда кўп вақт сарфладик. Ҳар доим унинг отаси Хорхе билан алоқани ушлаб турдим. Дэвид Бекхэм Лео билан фақат футбол ҳақида суҳбатлашарди. Чунки ўзи профессионал ўйинчи бўлган. Ҳеч ким Мессига босим ўтказгани йўқ. Биз у билан Барселонада, Майамида, Росариода ва Дохада ҳам гаплашдик. Жаҳон чемпионати вақтида мен Аргентина терма жамоаси ва Мессининг ўйинини синчковлик билан кузатдим. Apple билан тузган битимимиз Месси билан келишувга эришишимизда муҳим омил бўлди.