Стекеленбург ҳам кетмоқда

«Аякс» дарвозабон келаётган ёзда фаолиятини якунлашини маълум қилди. У 21 май куни амстердамликлар «Утрехт»ни қабул қилганда, мухлислар билан хайрлашади. Стекеленбург «Аякс» тарбияланувчиси бўлиб, 2002 йилдан 2011 йилгача жамоада ўйнаган. Сўнг дарвозабон «Рома», «Фулхэм», «Монако», «Саутгэмптон» ва «Эвертон» клубларида ҳаракат қилган, 2020 йили қадрдон жамоасига қайтган. Шунингдек, 40 ёшли посбон 2004 йилдан 2021 йилгача Нидерландия миллий жамоасида 63та ўйин ўтказган ва ЖЧ-2010да кумуш медални қўлга киритган. Стекеленбург бу мавсумда Эредивизида 7та баҳсда майдонга тушди.