ЕЧЛда сермаҳсуллик бўйича тарихий натижа
Чемпионлар лигаси ўйин кунидаги 40 гол - бу турнир тарихидаги 2-натижа.
Бильбао клуби Ла Лиганинг 36-турида «Сельта»га сафарда 1:2 ҳисобида мағлуб бўлди. 61-дақиқада 1:0 ҳисобида олдинда бораётган меҳмонлар дарвозабонни алмаштирди - Унаи Симон ўрнига Хулен Агирресабал майдонга тушди. У 68 ва 71-дақиқаларда гол ўтказиб юборди. Тахминларга кўра, «Атлетик» бу ўзгаришни Симон Ла Лигадаги мавсумнинг энг яхши дарвозабони учун бериладиган «Самора соврини»ни қўлга киритиши учун қилган. У ўртача ҳар бир ўйинда энг кам гол ўтказиб юборган дарвозабонга берилади. Қоидага кўра, дарвозабон ҳар бир ўйинда камида 60 дақиқа ўйнаши керак. «Атлетик» бош мураббийи Эрнесто Вальверде ушбу алмаштириш ҳақида фикр билдирди: «Бизда иккита ажойиб дарвозабон бор ва иккаласи ҳам ўйнай олади. Фикр билдирадиган ҳеч нарсам йўқ. Бу алмаштириш бошқа алмаштиришлар билан бир хил. Одатда улар шундай эмасми? Биз буни уддаладик». «Самора соврини» учун даъвогарлар рўйхатини Унаи Симон бошқармоқда - у ҳар бир учрашувда ўртача 0,94 гол ўтказиб юборади (35 ўйинда 33 та гол). Кейинги ўринларда «Реал Сосьедад» посбони Алекс Ремиро (1,03), «Барселона» дарвозабони Марк-Андре тер Штеген (1,04) ва «Валенсия»нинг грузиялик аъзоси Гиорги Мамардашвили (1,06) жой олди. Эслатиб ўтамиз, «Реал» дарвозабони Андрей Лунин ҳар бир учрашувда ўртача 0,6 гол ўтказиб юборади, бироқ бу совринни қўлга кирита олмайди, чунки у Ла Лигада бир мавсумда 28 тадан кам ўйин ўтказди.
