Суперлига 23-тур. Болтабоевнинг “дубл”и "Навбаҳор"га ғалаба келтирди

Учрашув борасида тўхталадиган бўлсак, вакилларимиз беллашувнинг илк дақиқаларидан бошлаб, ташаббусни ўз қўлларига олишга интилишди. Жумладан, бир вазиятда Тома Табатадзенинг жарима майдончаси ичидан йўллаган зарбасидан сўнг, тўп дарвоза устуни ёнидан ўтиб кетди. 
Шунингдек, жамоамиз сардори Азимжон Аҳмедовнинг 20 метрлар чамаси узоқликдан йўллаган зарбасига аниқлик етишмади.  
“Навбаҳор”нинг яна бир ҳужумида эса Жамшид Искандеровнинг зарбасидан сўнг, мезбонлар дарвозабони Шукрон Йўлдошев тўпни қайтариб, майдон ташқарисига чиқариб юборди.
Ниҳоят, 19-дақиқада жамоамизнинг навбатдаги ҳужумидан сўнг, ҳисоб очилди. Тома Табатадзенинг чап қанотдан йўллаган зарбасидан сўнг,  "Олимпик" дарвозабони Шукрон Йўлдошев тўпни қайтарди. Қайтган тўп эса Жамшид Болтабоевга келиб тушди ва у боши билан коптокни дарвозага аниқ йўллади - 0:1.
Ўтказиб юборилган тўпдан сўнг, мезбонлар мувозанатни тиклашга ҳаракат қилиб, ҳужумни кучайтиришди. Майдон эгаларининг ҳужумларидан бирида, жамоамиз дарвозабони Элдорбек Суюнов тўпни қайтариб, майдон ташқарисига чиқариб юборди.
“Олимпик”нинг яна бир ҳужумида эса Элдорбек Суюнов рақиб футболчига нисбатан қўполлик ишлатгани учун учрашув бош ҳаками Найим Қосимов вакилларимиз дарвозасига 11 метрли жарима зарбаси белгилади.
Мезбонлар ярим ҳимоячиси Фаррухбек Мухторов пенальтини аниқ амалга ошириб, ҳисобни тенглаштирди - 1:1.
Натижада жамоалар таанффусга 1:1 ҳисобидаги дуранг билан чиқиб кетди. 
Учрашувнинг 2-бўлими ҳам қизиқарли тарзда кечди. Иккинчи 45 дақиқаликда устунлик кўпроқ Сергей Лушан шогирдлари тарафида бўлди ва улар 2-бўлимда ҳужумни анча кучайтиришди. Ушбу ҳужумлар ниҳоят, 72-дақиқада ўз самарасини бериб, захирадан майдонга туширилган эронлик ярим ҳимоячи Сияваш Ҳақназарининг чап қанотдан жарима майдончаси ичига ҳаволатиб етказиб берган тўпини Жамшид Болтабоев боши билан дарвозага аниқ йўллаб, ўз "дубл"ини нишонлаган ҳолда,жамоамизни ҳисобда олдинга олиб чиқди - 1:2.
Учрашувнинг қолган дақиқаларида ҳужумлап якунига етмади ҳамда жамоамиз Жамшид Болтабоевнинг “дубл”и эвазига 2:1 ҳисоида ғалаба қозониб, очколри сонини 36 тага етказиб олди. 
"Олимпик” - “Навбаҳор” – 1:2 (1:1) 
2 ноябрь. Тошкент. “Жар” стадиони.  
Ҳакамлар: Найим Қосимов, Александр Буров, Акмал Ғиёсов, Жаҳонгир Норалиев. 
VAR ҳаками: Аҳрол Рисқуллаев.
АVAR: Кристина Середа.
Назоратчи: Маъмур Саидқосимов;
Комиссар: Феруз Ғаниев.
Голлар: Фаррухбек Мухторов (36-пен.) -  Жамшид Болтабоев (19, 72).
“Олимпик”: 1.Шукрон Йўлдошев, 5.Мақсудхўжа Аълохўжаев, 8.Нодирбек Абдихолиқов (с), 9.Акбар Ўктамов, 10.Фаррухбек Мухторов (16.Риан Исламов,64), 15.Муҳсин Бозоров (77.Суннатилла Абдуллажонов,46), 18.Акбар Абдирасулов, 19.Аҳмаджон Анваров (2.Миркомил Абдураззоқов,24, 17.Жалолиддин Содиқов,64), 21.Муҳаммадазиз Иброҳимов, 29.Улуғбек Шарипов (, 81.Абдулазиз Абдусаломов.79), 70.Муҳаммадбобир Мўйдинов.
“Навбаҳор”: 18.Элдорбек Суюнов, 7.Азимжон Аҳмедов (с), 9.Одилжон Ҳамробеков, 10.Жамшид Искандеров (55.Комилжон Тожидинов,85), 12.Саидазамат Мирсаидов, 14.Жамшид Болтабоев, 17.Русланбек Жиянов (15.Жавоҳир Абдужабборов,77), 22.Тома Табатадзе (21.Гиорги Никабадзе,77), 23.Йован Жокич, 24.Достонбек Абдулҳаев (8.Сияваш Ҳақназари,53), 34.Фарруҳ Сайфиев.

“Навбаҳор” ПФК матбуот хизмати.