Виейра истеъфога чиқарилди

46 ёшли франциялик мутахассис билан бирга унинг ёрдамчилари Осиан Робертс, Кристиан Уилсон ва Саид Айгун ҳам жамоани тарк этган. Клуб расмий сайти жамоанинг сўнгги ўйинлардаги қониқарсиз натижаларини истеъфонинг сабаби сифатида келтирган. Маълумот учун, «Кристал Пэлас»нинг ғалабасиз серияси 12 ўйинга етди. Лондон жамоаси 27 очко билан 12-ўринда бормоқда. Лигани тарк этиш ҳудудидан жамоани 3 очко ажратиб турибди. Эслатиб ўтамиз, Виейра жамоада 2021 йилнинг июль ойидан буён ишлаб келаётган эди. «Кристал Пэлас» ушбу мураббий қўл остида ўтган мавсум Англия кубоги ярим финалига чиқиб, «Челси»га мағлуб (0:2) бўлганди.