Бектемир Абдуманнонов: “Наманганда қизиқарли ўйин бўлади”
30 ноябрь куни Суперлиганинг сўнгги турида “Андижон” Наманганда “Навбаҳор”га қарши водий дербисида майдонга тушади.
Аввалроқ сариқ карточкалари тўпланиб қолгани боис “Андижон”га қарши учрашувни ўтказиб юбориши маълум бўлган ҳужумчи Тома Табатадзе жамоа билан хайрлашган эди. Кеча Жамшид Искандеров ҳам Наманган клубидан кетаётганини маълум қилди.
«Ҳаммаси учун раҳмат! Чиройли 3 йил учун! Сиз азиз мухлислар олдида футбол ўйнаш ҳар доим ёқимли бўлган», - дея ёзади футболчи инстаграмдаги саҳифасида.
Аввалроқ, Наманган вилояти ҳокими, вилоят футбол ассоцацияси президенти Шавкат Абдураззоқов жамоа раҳбарияти ва мураббийлар штабидан таркибни ёшартириш ва маҳаллий ўйинчиларга кўпроқ эътибор қаратишни сўрагани хабар қилинганди.
Эслатиб ўтамиз, “Навбаҳор” – “Андижон” учрашуви 30 ноябрь куни Наманган шаҳар, Давлатобод туманидаги “Марказий” стадионида соат 15:00 да старт олади.
