САФАРЧА ДУРАНГЛАР СЕРИЯСИ-КУ МАЙЛИ, БЕШ ЎЙИНДА АТИГИ БИР ГОЛ УРИЛГАНИ-ЧИ? Ёхуд InterFUTBOLнинг пайшанба сонида
Мазкур ҳафтада ОФК Элит Чемпионлар лигаси 5-тури доирасида «Пахтакор» сафарда Эроннинг «Истиқлол» жамоасига қарши майдонга тушди.
«Ал-Иттиҳод» ҳужумчиси Карим Бензема ОЧЛнинг 4-турида «Ал-Қува»га мағлуб бўлганидан сўнг кийиниш хонасида жамоанинг собиқ бош мураббийи Нуну Эшпириту Санту билан жанжаллашди. «Ал-Риёд» нашрининг хабарига кўра, Санту ўйиндан кейин Бенземани қаттиқ танқид қилган ва унга шундай сўзларни айтган: «Сен ажойиб ўйинчисан, бироқ рақибга босим ўтказишда дангасалик қиляпсан».
Бенземанинг бу сўзлардан жаҳли чиқиб, шундай жавоб берган: «Сиз ёлғиз мен билан эмас, бутун жамоа билан гаплашинг».
Бундай португалиялик мутахассис ғазабланган: «Сен барча футболчилар ва жамоа учун намунасан. Сен жамоа сардорисан, шундай экан, барчага ўрнак бўлишинг лозим».
Шу тариқа давом этган баҳслашувни тинчлантириш учун техник штаб аъзолари ва футболчилар аралашган. Маълумотларга кўра, франциялик юлдуз бош мураббийлик лавозимига ҳамюрти Лоран Бланнинг келишини истамоқда.
