ЎзФҲК (UZFHM): "Бунёдкор"нинг 1-голи офсайддан урилган, аммо...

Унга кўра, учрашувнинг 5-дақиқасида “қалдирғочлар” яримҳимоячиси Фарҳод Ўткиров томонидан урилган голда ўйиндан ташқари ҳолат бўлгани қайд этилди.

Мазкур ҳолат ЎФА ҳакамлар қўмитаси томонидан атрофлича кўриб чиқилди. Юқорида келтирилган видеомаълумотлар қўмита вакилларига илова қилинди. Унга кўра, ушбу вазият  VAR ҳакамлари томонидан кўриб чиқилган, бироқ офсайдни қайд этиш учун етарлича тасвирлар ва далиллар бўлмагани сабабли,  VAR протоколи бўйича улар голни инобатга олишга мажбур бўлгани ойдинлашди.  
"ВАР" ҳакамлари фақатгина МТРК узатган кадрлардан фойдалана олишини, “ФИФА пл ю с” томонидан суратга олинган тасвирлар эса уларга тақдим қилинмаслигини (техник томондан бунинг иложи йўқ) инобатга олсак, бу вазиятда  VAR   вакиллари ожиз қолган. Ваҳоланки , FIFA plus   нинг   тасвирида   офсайдни   илғаб   олиш   қийинчилик   туғдирмас   эди .  Шу   тариқа ,  ушбу   далиллардан   келиб   чиққан   ҳолда ,  ҳакамлар   қўмитаси   вакиллари   " ВАР " ҳакамларини   айбсиз   деб   топди .

Шунингдек, ўйиннинг бу вазиятида назоратни қўлдан чиқаргани ва ўйиндан ташқари ҳолатни қайд этмагани сабабли, учрашув ёрдамчи ҳаками Феруз Достонов айбдор деб топилди ва қўмита унга нисбатан Суперлига баҳсларидан 4 та ўйинга четлатиш ва қуйи лигага тушириш жазосини қўллади.