Жибрил Сиссе текинга ўйнашга тайёр

«Мен ҳар доим Лига 1 клубида бепул ўйнашга тайёр эканлигимни айтганман. Мен ҳали ҳам буни талаб қиламан. Бу содир бўладими? Ишончим комил эмас, лекин нима бўлишини ҳеч қачон аниқ билмайсиз. Ҳозир мен ди-джей сифатидаги фаолиятимдан завқланяпман», - деди Сиссе RMC Sport билан суҳбатда. Эслатиб ўтамиз, Сиссе «Марсель», «Осер» ва «Бастия» учун 209 та ўйинда 96 та гол урган. Франциялик футболчи «Ливерпуль», «Сандерленд», «Лацио», «Кубан», «Панатинаикос» ва бошқа жамоаларда ҳам ўйнаган. 2002 йилдан 2011 йилгача Сиссе Франция терма жамоасига чақирилган. 2003 йилда Сиссе терма жамоа билан Конфедерациялар кубогини қўлга киритди.