Винисиусга «МЮ» ҳам даъвогар

Эрик тен Хаг ҳужум чизиғида «Реал»нинг асосий ҳужумчиси Винисиус Жуниорни кўрмоқчи. Fichajes нашри хабарига кўра, бразилиялик форвард учун курашда манчестерликлар ҳамшаҳарлари - «Манчестер Сити» ва «ПСЖ» билан рақобатлашишга тайёр. «Реал» мавсум якунлангач, ўз сафига Килиан Мбаппени қўшиб олишни режалаштиряпти. Агар бу трансфер амалга ошса, Винисиус ўзига янги жамоа танлайди. Бразилиялик ҳужумчининг ўзи олдинроқ Мбаппе келадиган бўлса, жамоадан кетишини таъкидлаган эди. Чунки ҳар икки футболчи майдонда бир позицияда ўйнайди. Transfermarkt портали мадридликлар билан 2027 йилнинг ярмигача давом этадиган шартномага эга бўлган Винисиус Жуниорни 150 миллион еврога баҳоламоқда.