Водий дербиси «Истиқлол»да ўтиши мумкин

Ташкилот расмий сайти хабарига кўра, шу йилнинг 23 июль куни ЎзПФЛ «Истиқлол» стадионидаги 15та ҳолат бўйича камчиликлар аниқланиб, уларни бартараф этиш юзасидан хат чиқарганди. «Айни вақтга келиб мазкур муаммоларнинг барчаси тўлиқ бартараф этилган. Юқоридагилардан келиб чиқиб, «Нефтчи» футбол клуби исталган уй учрашувини мазкур аренада қабул қилиши мумкин», - дейилади хабарда. Маълумот учун, «Нефтчи» 22-турда «Навбаҳор»ни қабул қилади. Ушбу баҳс 18 октябрь куни Фарғонада ўтиши режалаштирилган.