«Юве»да янги раҳбарлар иш бошлади

«Юве»да янги раҳбарлар иш бошлади

«Ювентус» клуби янги президентини тайинлади.

Аввалроқ Турин клуби раҳбарлари истеъфога чиққанди. Хабар беришларича, Андреа Аньелли, Павел Недвед ва бошқа собиқ раҳбарлар молиявий ҳисоботни бузганликда айбланиши мумкин, улар қамоқ ёки жаримага тортилиши мумкин. 18 январ куни Туринда «Юве» акциядорлари Аньелли раислигида йиғилиш ўтказди ва янги директорлар кенгашини тайинлади. Унга Exor компанияси асосчилари,  клуб капиталининг 63,8 фоизига эгалик қиладиган 5 киши кирди, уларнинг ваколатлари 2025 йил 30 июнгача давом этади. 1963 йилда туғилган италиялик бизнесмен Жанлука Ферреро «Ювентус» президенти этиб тайинланди, Маурицио Сканавино эса бош директор этиб тайинланди.

«Бугун мен катта ҳаяжон ва ғурур билан «Ювентус» президенти лавозимини эгалладим. Президент сифатида биринчи сўзларим мухлисларга бўлади, улар доим клубнинг кучи ва юраги бўлиб келган. Уларнинг баъзилари билан учрашиш, суҳбатлашиш имконига эга бўлдим ва жамоа келажаги ҳақида қайғуришаётганини англадим. Бугун сайланган директорлар кенгаши ва янги бош директор билан биргаликда клубнинг шонли ўтмишига муносиб келажак қуриш учун ҳаракат қиламиз. Бу ўтмиш 125 йилни қамраб олган ҳолда бизни спорт шон-шуҳратига ва Италиянинг энг кучли клуби мақомига етаклади. «Ювентус» ҳақида гапирганда, бутун клубни назарда тутяпман – майдонда ишлайдиганлар ва ундан ташқарида ишлаётганлар», - деди янги президент.

Пўлатов Мухаммадхон

Involved in this affair, He trusts to you how the Dodo solemnly, rising to its feet, 'I move that.