Саудия қироли кубоги. Кутилганидек, «Ан Наср» финалда ва Роналдуда дубль...
Хабарингиз бор, кеча оқшомда Саудия қироли кубогининг 2-ярим финал баҳсида «Ан Наср» ўз майдонида «Ал Халиж» устидан ишончли ғалабага эришди.
La Vanguardia хабарига кўра, Тебас Испания Қироллик футбол федерацияси ҳакамлар техник қўмитаси собиқ вице-президенти Хосе Мария Энрикес Негрейрага тўловлар бўйича прокуратурага ёлғон далиллар юборган. «Ла Лига президенти Хавер Тебас клубимизни айблаш учун прокуратурага ёлғон далиллар юборган шахс сифатида тилга олинган La Vanguardia нашрида пайдо бўлган маълумотларнинг жиддийлигини инобатга олиб, «Барселона» ўзининг чуқур ғазаби ва хавотирини билдирмоқчи. Биз Ла Лига президентидан зудлик билан жамоатчиликка тушунтириш беришини сўраймиз. «Барселона» ўзини ҳеч қачон бўлмаган фактлар учун ОАВ қурбонидек ҳис қилмоқда: клуб ҳеч қачон ҳакамларга пора бермаган. Бу Ла Лига президентининг «Барселона»ни хафа қилиш учун ОАВдан фойдаланиши биринчи марта эмас. La Vanguardia нашрида чоп этилган хабар шунчалик жиддийки, у лигадаги барча клубларни огоҳлантириши керак. Айнан шу факт, яъни ўз лавозимига тўғри келмайдиган вазифаларни топширгани, шунингдек, Ла лига президенти лавозимига ҳурмат ҳисси туфайли жаноб Тебас ўз лавозимини тарк этиши керак», - дейилади хабарда.
